Ba 03/06/1635 koe Paris in koblir.

Nasbeik ke begonhik, in tir zanisik is godevrik ke Tristan l’Hermite (maxazanisik va Gazik) turwitis va in. Tison 18^-daf, va "Rivales" (Kevlikya se) in ve suteyer ise vaon ve askatoeyer gan Tristan zornas va gadilu ; grupeyeson va ageltilu buskusik se va dodera va dojeniayano dro ve vewayad ise pu jotaf sutesik ve drageyed va pakera va kazawakseem ; tir, nuvelar, xanta ke askirasang. Va baerdafa ezla yo Quinault ve suteyer ise va bar-sanoya drunta is buska is folva is kaleyna al isker ; va nhabafolva ve reduyur ; inaf grot tir "La Mère Coquette" (Ekoltafa Gadikya) buska. Vanmiae inafa folva se va "Askate" gonozwat ; vexe in nelkon tir kotgrupaf tuke kaleyna se : "Thésée" is "Alceste" is "Roland" ikz- eruyun gan Lulli melzaredusik, is tuke "Armide" tolon komelzayan gan taneon Lulli az Glück.

Adim va dokobara ke Quinault ko "Psyché" do Corneille is Molière me rovulkut. Bak 1670 ko Francaf Cultim in zo ve kazawayar, ikaplekuson va Salomon de Virelade ; ve tiyir tan tevoy taneaf cultimik dosten koe aboyafa disukexa se ; ba awalkera ke Colbert ve inafa siskava ve bloktiyayar ise bak 1675 is 1677 va Louis XIV icde maletiks va inaf tawukeem ve booleyer.

Kal milafa eka dam Corneille? ik Racine? gan Voltaire? ontinapteyenon, va konaka stujera Philippe Quinault neke ve grupeyer. Va gromafa malhopara se ke Boileau ik La Fontaine ik Racine ik artan se ve ekeyer. Varze is kev kotcoba va intaf nik Charles Perrault ve levgiyir.

Ba 26/11/1688 in ve awalkeyer.

• Les Rivales - Kevlikya se
• La Mère Coquette - Ekoltafa Gadikya
• Askate

• La Grotte de Versailles (1668)
• Psyché (1671)
• Le Ballet des Ballets (1671)
• Les Festes de l'Amour et de Bacchus (1672)
• Cadmus et Hermione (1673)
• Alceste (1674)
• Thésée (1675)
• Atys (1676)
• Isis (1677)
• Psyché (1678)
• Bellérophon (1679)
• Proserpine (1680)
• Le Triomphe de l'Amour (1681)
• Persée (1682)
• Phaëton (1683)
• Amadis (1684)
• Roland (1685)
• Le Temple de la Paix (1685)
• Armide (1686)