Bak 1759 koe Marbach am Neckar Schiller al koblir, vey gadikye sayakik koe Württemberg ervolia. Arti konaka tanda, moni 1764, inafa yasa ko Lorch inkewer lize kali 1766 zavzar. Beka va rumeugal is jotilu wawapon ugalzer, va dlapera ke Karl Eugen Württemberg dacik gralomber. Battan pu in va koawera ko Karlsschule tcema ganon reduyuna drager. Bak 1773, va vayara va rokopa az selaropa mali 1775 Schiller bokar. Bak 1780, va Diplomarbeit (namio ba vayaratena) suter aze vanpir sayakaf selaropik koe Stuttgart?.

Bak 1781 va "Die Raüber" yoltiskon sanegar. Bak 1782 koe Asperg golde merictayana illapira Schiller konakvielon zo koflintar. Ko Mannheim va kaatoera va "Die Raüber" intafa wenhaxa al merictanon tckeyer. Bak 1783 wetce nevakik kobar aze koe Mannheim kali 1785 wetce wenhezlopik zubiseotar. Konaktandon fereon grilizeblir (ko Leipzig az Dresden? az Weimar) ise bak 1788 va Goethe? taneon kakever. Teni bata tanda koe Jena wetce tavesik va izvopa is trakopa korundakawer lize di inkewer. Va izvasuterot yo suter. Va Wilhelm von Humboldt ar saref kotgrupaf korik lunon skedar. Bak 1790 va Charlotte von Lengenfeld kurer. Bak 1791 vanpir turwinik ke Friedrich Christian von Augustenburg. Bak radimifa tanda, yoke inaf jontik suteks kev stegesikeem artowarafa Franca pu in va francafu wideyilu zilir. Bak 1794, ta da wetce klecafelusik in suter, Goethe platir.

Bak 1799 ko Weimar dimpir lize ta da va warzafa drunta yo in suter Goethe buiver. Do Goethe va Weimar Theater redur dan kaliapon vanpir telo xonho ke germanafa wenhura noveso va dimblira ke pizind. Koe Weimar kali awalkera Schiller zavzar. Bak 1802 zo tuoluar. Kabdue yolt "von" vragiz zo loplekur. Arti barda, tison 45^-daf, golde rizafu tittisilu awalker.

Mali 1934 va Schiller yolt Jena? kotla dir.

• Die Räuber (1781)
• Kabale und Liebe (1783)
• Die Verschwörung des Fiesco zu Genua (1784)
• Don Carlos (1788)
• Wallenstein (1799)
• Maria Stuart (1800)
• Die Jungfrau von Orléans (1801)
• Die Braut von Messina (1803)
• Wilhelm Tell (1804)
• Demetrius (1805)
• Die Schaubühne als eine moralische Anstalt betrachtet (1784)
• Ode an die Freude (1785)
• Resignation (1786)
• Der Verbrecher aus verlorener Ehre (1786)
• Die Teilung der Erde (1795)
• Der Handschuh (1797)
• Der Taucher (1797)
• Der Ring des Polykrates (1798)
• Die Bürgschaft (1798)
• Das Lied von der Glocke (1799)
• Das Siegesfest (1803)
• Die Huldigung der Künste (1804)
• Über den Grund des Vergnügens an tragischen Gegenständen (1792)
• Augustenburger Briefe (1793)
• Anmut und Würde (1793)
• Kallias-Briefe (1793)
• Die Horen (1795)
• Über die ästhetische Erziehung des Menschen (1795)
• Über naive und sentimentalische Dichtung (1795)
• Kleinere prosaische Schriften (1801)
• Geschichte des Abfalls der Vereinigten Niederlande von der spanischen Regierung (1788)
• Geschichte des dreißigjährigen Krieges. (1790)