Bak 1867 gan Zanzibar sultanik reduyunon, Dar es-Salaam bak 1896 wetce kelu ke germanafa Roneafrika va Bagamoyo ve ikaplekuyur, aze teni Taneafa Tamavageja gan Britaniik se di zo kostujeyer.

Dar es-Salaam bak 1990 joke Dodoma va keluravalduga al drasur. Soe va mistulafi fli yo ware lanote vider. Kene uzdaka rune geeon Zanzibar vedil tison, ise bal Waligejugal viele vanpiyison vexafa vekta beno kota birasarva se kenototasa va afrikaf krimt ke India welfa, widava toz divlizepeyer. Witafa revava se voke Main Street (batvielon Volruptesilu ikpa), nelkafa etola lize se sanefa kolna is debak ke kazafa japa zo vegeduyud, bam voneweyed.

Dar es-Salaam tir telo taneafo rabaxo ke Tanzania. Tolngatcexe is poopafe iaxe se (diremkseara) is razraba (kosudesiki) is oksiraba is blotraba is dere umaviaxe tid nelkaca yo. Widava va traliaxe ostik digir. Malkelotxe van Kigoma, Dar es-Salaam tir istexo ke vedeyaf vaweem. Tegirapaf, ta lostara va rust va vedeyafa divburera isu koburera do dana tela se ke kopilkotanafa vegungafa soka yo (tulon Zambia is Congoa) loplekuwed (xodi is kilta is fad is wageya is kawot) molt al tustapensesawer. Intafo severoxo tir tano lozolonafo koe Roneafrika.

Istexo ke Dar es-Salaam

Istexo ke Dar es-Salaam

Arientaxo ke Dar es-Salaam

Molt ke Dar es-Salaam

Lentexo ke Dar es-Salaam

Gasta ke Dar es-Salaam

• Afrika
  • Tanzania

Widava yo ke Tanzania

Arusha - Dar es-Salaam - Dodoma - Iringa - Kigoma – Mbeya - Morogoro - Moshi - Mtwara – Musoma - Mwanza – Songea - Shinyanga - Tabora - Tanga - Zanzibar