Wiki Kotavafa Xadola
SearchWiki

Emudexo
Izva

  • Abdiizvugal
  • Savsugal?
  • Mialukugal?
  • Witugal?
  • Anoelugal?

Tawava

  • Afrika
  • Amerika
  • Asia?
  • Europa
  • Oceania

Suteroteem

  • Francavaf suteroteem
  • Espanavaf suteroteem
  • Englavaf suteroteem
  • Germanavaf suteroteem
  • Portugalavaf suteroteem
  • Italiavaf suteroteem
  • Rossiavaf suteroteem
  • Afrikaf suteroteem?
  • Sinavaf suteroteem?
  • Arabavaf suteroteem

Aveem?

  • Avopa?
  • Sutereem?
  • Abaveem
  • Izva ke Aveem
  • Kotava

Yanbeem

  • Izva ke Yanba?
  • Yanbalizoreem?

Opeem

  • Bliopa
  • Razopa?
  • Altopelopa?

Ayopeem is Selt
Raba is Ckaneopa?

Kotava Winugaxo
Kotava Wikikrenteem Nuyanevaxo
Kotava Tolavaravlemeem se
Kotava Dokalixo

Rekluexo/
AleksandrPuckin
BuruperaBubetaraBunovekseemIzvotKalvajara
Printable View

Aleksandr Puckin

Aleksandr Puckin
(1799-1837)
Rossiavaf suterotik

Aleksandr Sergeyevitc Puckin tir xantoc ke savsoluafa yasa vey gadikye is ke abisiniafe sersikye ("tele Ebeltikye ke Gijaf Piotr") vey gadikya. Dene gadikeem va francafa gaara kazawar abdi da ko Tsarskoye Selo ginafa olda zo doster.

Va flibik koe Divexo elda in zo koplayar, ixam tison kotgrupaf wetce sutesik va foktafa ezla yo, aze bardon ugalzer koe Sankt-Peterburg? lize stier va dekabraf seltom yo ise va rekodafa is perzafa blira jupar. Bakon, va "Ruslan is Lyudmila" alaakafa ezla (1820) suter. Golde blokxa malhedana dum askevmadasa gan ginaf ardial, koe geefa Rossia? koe Ekaterinburg? az Kicinev? az Odessa? (1823) in zo divblir.

Koyara ko Kavkaz is Krima, is kosmara va Byron, is listilu ke ronhasen patctoy se, va « Flintik ke Kavkaz » (1821) is "Baxtcisaray Sul" (1823) is "Tsiganik se" (1824) inafa nhabafa ezla yo koswad. Bak 1824, mal Odessa ko Mixailovskoye yasaf pilkot eninteno sokexo in zo stakser, lize di antion vols mewemton toldon ugalzer.

Tison enuzes va rossiafa tawa, va konak blokreiz ("Nulin Biptik", is "Monama koe Kolomna") in bokar ise va alaakafa ezla yo suter ise va tela taneafa vedeyafa piza "Boris Godunov" bunher (sanegatana bak 1831). Bak 1826 gan Nikolay I-eaf? warzaf ginik Puckin zo emnagar vexe ware zo tutubizar ise zo eninter. Inaf tanoy zolonaf grabom bak bati olhastewesi bliraki tir "Poltava" alaakafa ezla (1828).

Bak 1830, ugalzera koe Boldino yasaf pilkot nover da in tolgalter va sutelara va blokberpot "Evgeni Onegin" sanegatan bak 1833. Tuke bat berpot sol teza yo ke abdiugal is turestilu ke Byron? va int ten tunuyar. Dere bak 1830 va konaka "folvama", vanmiae dana tid "Mozart is Salieri" is "Ridolaf Okoldik", is "Reiz yo ke Berkin" ("Westara" is "Warfokdolesik" is "Piuteokilik" ikz-) warzot se suter.

Bak 1831 va Natalia Gontcarova in kurer. Tison bozakirapaf ise turkon kosaf gu anamefa skudjera se, koe zivolaf is skaltaf alpoz ke aboyikeem vligus va inafu norlilu daletoe di blir. Konak inaf grot batsareon wori evlad : "Iyekotaf Okolik" ezla (1833), is "Dicimafe Sersikye" (1834) kotgrupaf warzot lize geltrilueva is tacukilu kalaotcewed, is "Nasbeikya ke Redakik" (1836) berpotam koswayan gan kevmadara ke Pugatcev.

Bak 1837 yoke bakara bal toldoalie kev Georges d’Anthès francaf jotaf oluik in awalker. Feliik ke warzot, is taneaskisik va piza is izvaberpot, is norlaf ikapulvisik va rossiafa gloga, is merodolunhen ezlik, Puckin va koti suterotoxi en al tcalar ise va yanbamuxaxo al tulomantar.

Inaf nelkaf vanbureks rotir al tir redura va opelaf is liaf is tamaf warzaf avot. Va gijilu ke inafa ezlafa cora, is va melzapilu ke blokeem, is va mergilrabudilu ta pimtara is tiavera, is va tolredura va bli kan yanba dere setiket. Vanmiae rossiavaf suterotikeem, Puckin lanon tir tel loon turestayas va kotaf vedeyaf suteroteem. Neke, sedme intaf muxaks, va "opelaca yo" anton opelon djukaliyir.

Ara ava se


Version française Aleksandr Puckin


Versión española Aleksandr Puckin


English version Aleksandr Puckin


Deutsche Version Aleksandr Puckin


Versione italiana Aleksandr Puckin


Nederlandse versie Aleksandr Puckin


Versão portuguesa Aleksandr Puckin


Bobaloli lingála Aleksandr Puckin


Türkçe Aleksandr Puckin


Версия на русском языке Aleksandr Puckin


Aleksandr Puckin (1799-1837)
Aleksandr Puckin
Kudja dem Aleksandr Puckin koe Sankt-Peterburg
Kudja dem Puckin
Natalia Gontcarova, kurenikya ke Aleksandr Puckin
Natalia Gontcarova
Suterot se ke Aleksandr Puckin


  • Руслан и Людмила (1820) - Ruslan is Lyudmila
  • Кавказский пленник (1821) - Flintik ke Kavkaz
  • Бахчисарайский фонтан (1823) - Baxtcisaray Sul
  • Цыганы (1824) - Tsiganik se
  • Полтава (1828) - Poltava
  • Моцарт и Сальери (1830) - Mozart is Salieri
  • Домик в Коломне (1830) - Monama koe Kolomna
  • Граф Нулин (1831) - Nulin Biptik
  • Борис Годунов (1831) - Boris Godunov
  • Евгений Онегин (1833) - Evgeni Onegin
  • Медный всадник (1833) - Iyekotaf Okolik
  • Скупой рыцарь (1834) - Dicimafe Sersikye
  • Капитанская дочка (1836) - Nasbeikya ke Redakik
  • Пир во время чумы
  • Русалка
  • Гавриилиада
  • Песни западных славян
  • Братья разбойники
  • Каменный гость
  • Анджело
  • Вадим
  • История Пугачева
  • Дубровский
  • Пиковая дама
  • Повести Белкина
  • Арап Петра Великого
  • Египетские ночи
  • История села Горюхина
  • Кирджали
  • Марья Шонинг
  • На углу маленькой площади...
  • Гости съезжались на дачу...
  • Повесть из Римской жизни
  • Роман в письмах
  • Рославлев
  • Сцены из рыцарских времен
  • Езерский
  • Тазит

Xadolaki se


  • Suteroteem
    • Rossiavaf suteroteem


Kotava Winugaxo - Kotava Avawiki - Wikikrenteem Nuyanevaxo - Kotava Tolavaravlemeem se - Kotava Dokalixo

Ironakafa bubetara ba 28/01/2007 15:42

  1. ▲ Top ▲
  2. Betara:
  3. Watsak
  4. Rudeak
  5. Butenak
  6. Kroj
  7. Butena