Rekluexo: ThomasMann

Thomas Mann tir germanavaf suterotik. Ba 06/07/1875 koe Lubeck? koe guazafa dolekikafa yasa koblir. Kaiki awalkera ke gadikye ko München? mallapir aze koe ravaldurazolosta kobar aze felur.

Malas va glastikeem, Thomas Mann tiyir taneemaf vrutasik va lubera ke intafa anameda is izvafa ropplekura yo. Tuke warzotak taneon zo katcalar. Radimi koyara ko Italia do Heinrich? berikye, va berpot icde intafa yasa suter. "Buddenbrook" berpot bak 1901 zo sanegar ise vabdu suterotafo kaatoexo va in burer. Wetce "tana pulotaca ke saref suteroteem" di zo krupter. Wats va titolera ke glastikeem tir stas fem va inaf grabom. Bak 1912 "Der Tod in Venedig" warzot aotces va glastafa tamava do yanbagustuca awir. Bak 1924, vola ke antiaf yanbik is aneyara va olkafa tama va "Der Zauberberg" berpot remayzanudad.

Bak 1929 in va Nobel Suterotafo Poradro kazawar. Ostik, Thomas Mann kotviele askiyir da vil icde gaderopafa debala ke vo kotviele zo gruper. Tulon, bak tidara ke Nazi pakoikeem ganon lhuman. Nume bak 1933 ba korotiwera ke Hitler va Germana? bulur. Radimi jonvielera koe Franca, bak 1938 ko Tanarasokeem inkewer lize va amerikaf vedeyot narar. Koe Princeton konaktandon taver ise kevtorkevaf suteks yo is "Doktor Faustus" berpot icde wiiskuca ke Germanikeem sanegar.

Koe Tanarasokeem? in abrotcion bliyir aze ko Europa dimlapiyir. Koe Kilchberg poke Zürich koe Swiza? ba 12/08/1955 awalker.

• Der kleine Herr Friedemann (1898) – warzotak
• Buddenbrooks (1901) - berpot
• Tonio Kröger (1903) - warzot
• Tristan (1903) - warzot
• Königliche Hoheit (1909)
• Der Tod in Venedig (1912) - warzot - Awalkera koe Venezia
• Der Zauberberg (1924) – berpot - Diolamevtava
• Mario und der Zauberer (1930) - warzot
• Joseph und seine Brüder (1933) - berpot
• Die Geschichte Jakobs (1933)
• Der junge Joseph (1934)
• Joseph in Ägypten (1936)
• Joseph der Ernährer (1943)
• Das Problem der Freiheit (1937)
• Lotte in Weimar (1939) – berpot
• Die vertauschten Köpfe (1940)
• Doktor Faustus (1947) - berpot
• Der Erwählte (1951) - berpot

• Suteroteem
  • Germanavaf suteroteem

Nobel Suterotaf poradroikeem

←  Sigrid Undset (1928) - Thomas Mann - Sinclair Lewis (1930)  →

Germanavaf Nobel suterotaf poradroikeem

1902 Theodor Mommsen - 1908 Rudolf Ch- Eucken - 1910 Paul Heyse - 1912 Gerhart Hauptmann - 1919 Carl Spitteler - 1929 Thomas Mann - 1946 Hermann Hesse - 1966 Nelly Sachs - 1972 Heinrich Böll - 1981 Elias Canetti - 1999 Günter Grass - 2004 Elfriede Jelinek