Wiki Kotavafa Xadola | Rekluexo / SullyPrudhomme

Sully Prudhomme

Armand Sully-Prudhomme
(1839-1907)
Francaf ezlopik

Intaf ageltaf yolt tiyir René François Armand Prudhomme ise in tiyir nasbeik ke kulapaf kazik se. Taneon dritik koe Creusot, golde kobara zo gripokoler nume ko Paris ta rokavayara di dimpir. Radimi vayareem gan pisida dene tegivsutesik di zo vogiter nume di gorar da, tuke intafa ilkafa tufa, va ezlopa ektudar. In tiyir 26^-daf viele va "Stances et Poèmes" intaf larm (1865) sanegayar. Bata neva, kudon emuden gan Sainte-Beuve, ve tiyir davafa kiewatca. "Empayan trig" zo kotlize negayar. Bata kiewatca ve noveyer da Sully-Prudhomme va "Parnasse" reduyune gan Leconte de Lisle dokobar. In va intafa trumara va tazukafa kotunuca bam tulogijayar.

Kan "Les Solitudes" (1869), intafa ezlopa toz tutrakopaweyer. Bata abdikerelera kan sanegara va blokaf kalfrancavaks va "De la nature des choses" ke Lucretius ve ruyeweyer. Bak deblamera va Paris, Sully-Prudhomme ko Lanis Susikeem ervolita koparintaweyer, vexe fent is cueem is kalirutakseem ve puon askid va aliziradilfura ke dana keskeem di kotabliron exaksaweyer.

Bata bagala ise undekseem va geja tid wats ke neva sanegayan kan « Impressions de Guerre » vergumvelt. Inaf grabom ke "trakuropafa ezlopa" kan "Les Destins" trenar, vexe kan "Les Vaines Tendresses" (1875) van lodilkafa is lopeztakafa ezlopa di abicon dimpir. Ve azon bokayar va toloya abrotcapafa ezla gokaatoetesa va intafa trakuropafa itaya : "La Justice" (1878) laninde tir lidafa is seltafa kogrupara ; "Le Bonheur" (1888) tir lecaf kindap. Rotuvuca is pulvucaja va inaf ar toloy larm : "Prisme" is "La Révolte des Fleurs" (1886).

Sully-Prudhomme ko Francavaf Cultim bak 1881 ve sollibuyur ise intaf grabom, lize listucaf is trakuropaf is malheropaf suterot se dere volad, kan telo taneafo Nobel Poradro bak 1901 ve zo sonayar. Bat waks va redura va ezladro ve zo vankolayar.