Stéphane Mallarmé
Stéphane Mallarmé
(1842-1905)
Francavaf ezlopik
Bak 18/03/1842 koe Paris in koblir. Wavepon va gadikya is berikya drasur, batcoba den in va dustulera ke awalk pistoler. Bata koe inaf grabom di tir gustafa. Koe Sens olda lize va vayarugal tenuker, in va Baudelaire? is Edgar Poe? seramon kosmar ; va taneaf blok yo suter. Ko Engla? mallapir (1862) lize kurer. Moi dimpira ko Franca, vanpir englavatavesik (koe Tournon az Besançon az Avignon az adim Paris mali 1871. Nomanon gan ravesik yo, va bata exava kodayasa va intaf ugal isu fa kotviele temeyer ! Axofeson va ezlafe bellike soltioltese va brigafa blira, golde astirbafa krulderadeona mejer. Kaiki da va Parnasse rijay se nobayar, pu saneg gan Verlaine? is Huysmans? zo razdur. Inaf Poésies ezlak bak 1887 koe La Revue Indépendante zo sanegad. Lecevaf ezlopikeem wetce inaf okilik va in bam askir ise giltaver da kotbareavielon koe inafa bonta kene Rome vawila katanawer (lize Laforgue? ik Valéry? ik Gide ik Claudel? ik Oscar Wilde? zo rokakeved. Ba 09/09/1898 koe intafa mona koe Valvins (Seine-et-Marne) in awalker ugale va Hérodiade nhabafa piza zavzatasa stogoyeks kobaver.
| ||
Ara ava se
| ||
Suterot se ke Stéphane Mallarmé
|
Xadolaki se
|
Kotava Winugaxo - Kotava Avawiki - Wikikrenteem Nuyanevaxo - Kotava Tolavaravlemeem se - Kotava Dokalixo